Somali
Ma u baahan tahay caawimaad lagugu siiyo luuqadaada? Wac 1800 512 451 kadibna codso turjumaan.
Lahaanshaha iyo maamulida ganacsi yar ayaa noqon karta wax dhib badan gaar ahaana inta lagu jiro xiliyada adag sida masiibooyinka dabiiciga ah iyo isbedel dhaqaale oo socda.
Daryeelida caafimaadkaaga dhimirka iyo faya qabka ayaa muhiim u ah inaad samayso shaqo wax soo saar leh aadna ka gun gaarto higsiyadaada ganacsiga iyo kuwa gaarka ah.
Fiiro gaar ah u yeelo cilado kasta oo muujinaaya in caafimaadkaaga dhimirka, ama caafimaadka shaqaalahaagu, u baahan yahay in muhiimad la saaro.
Boggaan
Haddii aad u baahan tahay hadda ama aad adiga (ama qof aad taqaano) uu khatar degdeg ah ugu jiro dhibaato:
- Wac sadex eber (000) ama tag isbitaal
- ka wac Lifeline lambarka 13 11 14.
Ciladaha caafimaadka dhimirka iyo faya qabka
U foojignoow astaamaha hore ee digniinta ah oo muujin kara inaad u baahan tahay daryeelka caafimaadkaaga dhimirka.
-
- Dhibaato kaa haysata diirad saarida wax
- Inaad buuxin waydo waqtiyada la cayimay
- Inaadan u shaqaynayn sidaadii caadiga ahayd
- Inaad ka maahsan tahay shaqaalaha
- Inaad ka qash dhacdo shaqada
- Inaad dareento inaadan macno ku fadhin ama fashilantay
- Ka maqnaanshaha shaqada
-
- Camal xumo, cabsi, xanaaq, walwal ama walaac
- Niyad jab ama awood la'aan
- In hurdo kaasoo dhici waydo
- Hurdo xad dhaaf ah
- Hurdo kasoo salalida iyo inay kugu adkaato ku laabashada hurdadu
- Inay kugu dhacaan isbadellada miisaanka ama oomateedka
- Cabista khamri ama maadnooriyaal kale oo xad dhaaf ah
- Ka maahida saaxiibada iyo qoyska
- Qabista xanuunka cabsida
- Muujinta caro ama shuruuc kacsan
- Muujinta habdhaqan kharibaad ah
Waa inaad caawimaad heshaa haddii aad ogaato isbadel ku yimid dareenadaada, fikradahaaga ama habdhaqankaaga kaasoo:
- soconaaya wax ka badan dhawr asbuuc
- saamaynaaya xiriiradaada iyo awoodaada shaqada, waxbarashada iyo la falgelida bulshada
- kaa hor istaagaaya inaad ka qaybgasho hawlaha aad awal jeclaan jirtay.
Baaritaannada caafimaadka dhimirka ee oonlaynka ah
- Adeegso liiska hubinta ee walaaca iyo walbahaarka ee Beyond Blue baaritaanka (K10) si aad u hubiso sida dareenadaadu isku badeleen. Ayadoo la raacaayo jawaabahaaga, waxaa lagu siin doonaa xog iyo meelaha aad kala xiriirayso si lagaaga caawiyo qaadista talaabooyinka xiga ee raadsashada taageerada.
- Mar baaritaanka caafimaadka dhimirka ee Ahead for Business.
Yaa ku caawin kara
Mararka qaar, inaad cid la xiriirto ayaa adkaan karta marka aad dareemayso culays xad dhaaf ah laakiin waa muhiim inaad qaado talaabada koobaad.
Taageerada caafimaadka dhimirka ee mulkiileyaasha caafimaadka
- Xog badan ka ogoow NewAccess oo loogu talagalay mulkiileyaasha ganacsiga, barnaamijka tababarka caafimaadka dhimirka oo ah is-caawinta la hago isla markaasna lacag la’aan ah ilaalinaayana sirta xogta qofka. Tababareyaasha aqoonta u leh ganacsiyada yaryar ayaa ka sahqeeya sidii ay kuu bari lahaayeen xirfadaha shaqada si aad xal ugu hesho arimaha adag (ee ka jira ganacsiga iyo guriga) aadna u maarayso walaaca.
Qof aad la sheekaysato
- Kala hadal saaxiibadaa iyo ehelkaaga sida aad dareemayso (akhri tilmaamaha Beyond Blue ee ka hadalka caafimaadka dhimirka).
- Akhri adeegga taageerada ee Beyond Blue si aad u hesho xog iyo taageero ku aadan gaarista caafimaadkaaga dhimirka ee ugu wanaagsan, da; kasta oo aad jirto ama meel kasta oo aad ku nooshahayba.
- Baro sida dhakhtarkaagu kaaga caawin karo soo hagaajinta caafimaadkaaga dhimirka iyo faya dhawrka oo ay ku jiraan iyada oo loo marayo qorshaha caafimaadka dhimirka ee shakhsi ahaaneed.
- La xiriir Laynka helitaanka Caafimaadka ee 1300 MH CALL: meesha ugu horeysa ee aad la xiriirayso si aad u hesho taageero, xog, talo, hagis iyo xiriirin.
- Haddii aad walaac ka qabto isticmaalka khamriga iyo/ama daroogada, booqo Adis si aad u hesho taageero 24/7. Adis waxey sidoo kale bixisaa su'aalaha qiimaynta naftaada si loo eego haddii isticmaalkaaga khamriga iyo/ama daroogadu heer khatar ah gaaray.
- Wax ka ogow adeegyada taageerada caafimaadka dhimirka iyo samaqabka (Brisbane, Gold Coast, Fraser Coast) ee carruurta da'doodu tahay 25 jir, iyo qoysaskooda.
- Ka hel taageerada Madaxa Hindisaha Caafimaadka ee dawladda Australia si aad si wanaagsan ugu noolaato, caawimo u hesho, ula shaqeyso GP-gaaga, oo aad u hesho taageerada dhacdooyinka lama filaanka ah.
Taageerada ganacsigasida meesha ugu horeysa ee xiriirka
- Booqo agabka iyo macluumaadka Wakiilka Ganacsiga Yaryar ee Australia iyo Ganacsiga Qoyska si aad wax uga barato amniga internetka, wanaaga dhaqaalaha, u diyaargarowga musiibada iyo soo kabashada, isbedelada sharciyada goobta shaqada ee Australia, iyo in laguugu xidho taageerada caafimaadka dhimirka.
- La-taliyayaasha maaliyadeed ee ganacsiga yaryar waxay ganacsiyada yaryar siiyaan taageero lacag la’aan ah, dhexdhexaad ah, isla mar ahaantaasna wax kasta ay sir kuu yihiin kuwaas oo ay ugu talagaleen milkiilayaasha ganacsiyada yaryar ee la kulma ama halis ugu jira dhaqaale xumo. Adeegyadaan ayaa lagu baxshaa Small Business Financial Counselling Service Southern Queensland iyo Small Business Financial Counselling Service North Queensland.
- Tababareyaasha faya qabka ganacsiyada yaryar ayaa taageero siiya mulkiileyaasha ganacsiyada yaryar ee waajahaaya caqabadaha caafimaadka iyo faya qabka dhimirka, ayagoo ku taageeraaya goob fool ka fool ah, lacag la'aan ah, oo taageero siinaysa. Adeegga waxaa lagu bixiyaa Adeegga Tababbarida Fayoqabka Ganacsiga Yaryar ee Koonfurta Queensland iyo Adeegga Tababarka Fayoqabka ee Ganacsiga Yaryar ee Waqooyiga Queensland.
- La-taliyayaasha maaliyadeed ee miyiga waxay bixiyaan la-talin maaliyadeed bilaash ah, eex-la'aan, iyo qarsoodi ah wax-soosaarayaasha aasaasiga ah ee la kulma ama halis ugu jira dhibaato dhaqaale. Adeegga waxaa lagu bixiyaa Adeegga La-talinta Maaliyadeed ee Koonfurta Queensland iyo Adeegga La-talinta Maaliyadeed ee Waqooyiga Queensland.
- Mentoring for Growth waxay bixisaa tababarka iyo taageero ganacsi oo bilaash ah ayna baxshaan khubaro ka kala socda Queensland.
Qorsheynta caafimaadkaaga dhimirka iyo faya qabka
Qorshaha caafimaadka iyo faya qabka dhimirka ayaa kaa caawinaaya aqoonsiga noocyada kiciyaasha walaaca ee ganacsigaaga kuwaasoo ay u badan tahay inay saamayn ku yeeshaan caafimaadkaaga dhimirka, iyo waxa aad samayn karto si aad u yareyso saamayntooda. Qorshe ayaa sidoo kale kaa caawinaaya inaad abuurto goob shaqo oo leh caafimaadka dhimirka aadna caawiso shaqaalaha la dhibtoon kara caafimaadkooda dhimirka. Adeegso ilaha soo socda si aad u abuurto qorshahaaga caafimaadka iyo faya dhawrka dhimirka:
- tusmo ka caawinaysa mulkiileyaasha ganacsiyada yaryar abuurista qorshaha caafimaadka iyo faya dhawrka dhimirka ayna bixinayso Queensland Mental Health Commission
- Ahead for business waa xarun casri ah oo taageerta caafimaadka dhimirka ee ganacsiyada taasoo leh khayraadka isku xirka, taageerada dadka khibrada soo maray baxshaan, baaritaanno, qorsheyaasha shaqada oo gaar ah iyo khibradaha mulkiileyaasha kale ee ganacsiyada yaryar.
Abuurista goob shaqo oo u roon caafimaadka dhimirka
- Maaraynta Khatarta ciladaha caafimaadka dhimirka ee Xeerka Anshaxa Shaqada 2022 tusmo shaqo oo ku aadan sida looga hortago waxyeelada dhimirka iyo jirka ee ka dhalata khataraha dhimirka ee goobta shaqada, sidoo kalena waa khayraad caawinaaya shaqaalaha.
- Black Dog Institute waxay bixisaa tilmaamo iyo xog ku aadan sida goobtaada shaqada iyo ganacsigaaga looga dhigo mid dhawraaya caafimaadka dhimirka.
- R U OK? waxaad ka helaysaa ilaha caafimaadka dhimirka, ayna ku jiraan buug gacmeedka caafimaadka dhimirka ee mulkiileyaasha ganacsiyada yaryar kuwaasoo ku dhiiri geliya mulkiileyaasha ganacsiyada, hogaamiyaasha iyo shaqaalaha inay dhaqanka R U OK ka abuuraan goobta shaqada.
- Farsamada caafimaadka dhimirka ee goobaha shaqada waxay bixisaa farsamooyin shaqo iyo khayraad ay bixiso Workplace Health and Safety Queensland si lagaaga caawiyo inaad talaabooyin wanaagsan u qaado hagaajinta caafimaadka dhimirka ee goobta shaqada.
Sidoo kale tixgeli...
- Akhri xog dheeri ah oo ku saabsan caafimaadka iyo faya dhawrka dhimirka.
- Xog badan ka ogoow taageerada caafimaadka iyo faya dhawrka dhimirka oo ay bixiso Dawlada Australia.